7 Puisi IBW Widiasa Keniten
By IBW Widiasa Keniten- 08 Januari 2021
Purnama Kapitu
purnama kapitu
mungguh ring tanu
purnama kapitu
citta budhi ayu
purnama kapitu
satunggil dina pituhu
moghi rahayu
Panglong Ping Patblas Kapitu
nisadha ningsadhu
linggacala ning niskala
éling angga utama
nisadha masadhu
nyurat tungtung aksara
Ong phat pituhu
satwa mOng Asthi baruAng
manah lubdaka
Tilem Kapitu
peteng pitu galang pitu
galang rasa peteng rasa
rwabhinédha sadina-dina
Pura
pura angga pura bhuwana
masurat aksara
ning suksma
Muspa
masekar tan hana
puyung hana tan hana
luwih utama
Mulih
mulih padidi
mabekel takilan puyung
resikin padidi
satwain padidi
panak somah ngeling padidi
yén mulih nyén alih
twah awaké padidi
ditu tongos ditu tongos
tongos nuturin awaké
ané tusing nglengkara
apabuin masikut kukuh
pagehin pagehin
baan pagehan sastra
apang ada gulak-gulikin
di keneh padidi
Matanai
ngalih matanai di petengé
ngalih matanai di galangé
ngalih matanai di mulihé
kedas
idup ngalih matanai
mati ngalih matanai
matanai matanai
sadina-dina di ati
Komentar