PUISI BALI IBW WIDIASA KENITEN
By IBW Widiasa Keniten- 26 September 2020
Blabur Kapat
kartika panedenging sari
sarining sastra
blabur kapat ngupeti
ayu werdi sarwa prani
gumi bali.
Padma Tiga
nangun budhi santhi
nunggalang idep
nyikiang kayun
matangguran sapta sunia
mateja sapta windhu
amertha sapta tirtha
telenging budhi
Tolangkir 2
ri pada Hyang Tolangkir
amekul citta budhi
nyuaraang Ong Sembah
mungkah lawang
sepi
ening
Tolangkir 3
ambara suung
sepi mangmung
tulya tapaswi agung
nunggalang aksara
shiwadwara
mralina angga sarira
sudha purna
ka jati mula
Hyang Putranjaya
ngawerdiang tanah bali
ngemit gumi bali
sungsungan jana bali
subhakti.
Komentar